امتحانات الدبلومات الفنية 2025 قربت! جهز نفسك صح وابدأ العد التنازلي!
تُعد اختبارات الدبلومات الفنية من أهم المحطات التعليمية في حياة طلاب التعليم الفني، لأنها مش بس بتفتح باب التخرج، لكن كمان بتكون بوابة مباشرة لسوق العمل والانطلاق لمستقبل مهني واعد علشان كده، لازم كل طالب يستعد كويس للمرحلة دي ويحقق أداء أكاديمي مشرف
موعد امتحانات الدبلومات الفنية 2025:
وفقاً لما أعلنته وزارة التربية والتعليم على صفحتها الرسمية:
📍 تبدأ الامتحانات يوم الخميس 15 مايو 2025
📍 وتستمر حتى بداية يونيو القادم
📍 أما الجداول التفصيلية (الصناعي، التجاري، الزراعي، السياحة والفنادق) فهي هتُعلن خلال الأيام الجاية، فتابعوا الصفحات الرسمية للوزارة علشان توصلكوا أول بأول
تحضيرات لازم تبدأها من دلوقتي:
🔹 اعمل مراجعة شاملة للدروس، ولو حاسس إن في نقاط ضعف، احضر الحصص اللي بيقدمها المدرسين علشان تقوي نفسك.
🔹 اعرف مقر لجنتك من بدري، وجهز كل الأدوات اللي هتحتاجها يوم الامتحان.
🔹 خليك ملتزم بمواعيد الدخول وتوجيهات اللجنة.
🔹 الوزارة موفّرة كل الإجراءات الوقائية لضمان سلامة الطلاب، فلا تنسى الكمامة
ليه الاستعداد مهم؟
تنظيم الوقت والمذاكرة المركزة مش بس بيخلوك تلم المنهج، لكن كمان بتأهلك علشان تطلع من الامتحانات بنتيجة تفتخر بيها وتفتحلك باب مستقبل مهني قوي! فاستغل الخمس أيام الجاية أحسن استغلال وابدأ التحضيرات من دلوقتي!
التعليقات